Business Insider: Эксперты захапіліся рэкордам украінскага пілота F-16

• 17.01.2025, 10:48

Украінец прадэманстраваў заходні спосаб вядзення вайны.

Толькі ў 2024 годзе самалёту F-16 на тэрыторыі Украіны ўдалося ў адным баі збіць адразу 6 ракет. Нягледзячы на тое што амерыканскаму самалёту ўжо больш за 50 гадоў, толькі нядаўна ён здолеў устанавіць новы рэкорд, знішчыўшы за адзін бой адразу 6 расейскіх ракет. Самае характэрнае, што рэкорд належыць украінскаму пілоту, які толькі нядаўна сеў за штурвал самалёта, інфармуе рэсурс Business Insider.

Рэкорд быў устаноўлены 13 снежня 2024 года, і гэты факт сведчыць аб тым прагрэсе, якога дасягнулі ўкраінскія пілоты.

Ветэран ВПС ЗША з 25-гадовым стажам Джон Вэнэйбл заявіў, што для перахопу такой колькасці ракет неабходнае высокае майстэрства, бо даводзіцца каардынаваць не адну службу.

На справе перахоп - ракет не такая ўжо і простая задача, як гэта падаецца першапачаткова. Для гэтага патрабуецца праца як сістэмы камандавання, так і кіравання. Яшчэ неабходна шмат радараў, каб сачыць за палётам ракеты.

Збіццё 6 ракет - прыкмета таго, што Украіна стала бліжэй да Захаду ў спосабе вядзення вайны.

Ветэран ВПС Аўстраліі Пітэр Лейтан заявіў, што і сярод расйцаў ёсць добрыя пілоты. Аднак усё адрозненне палягае ў тым, што яны не могуць дзейнічаць самастойна, без загада зверху.

Заходнія вайсковыя эксперты прызнаюць, што Украіне даводзіцца выкарыстоўваць самалёты F-16 як сродкі СПА, бо нават гэтыя самалёты нашмат старэйшыя за расейскія, якія яны выкарыстоўваюць у вайне супраць Украіны.

На сёння Украіна не мае базы і тэхналогій, каб мадэрнізаваць самалёты F-16.