На Вадохрышча ў Беларусі будзе да 7 градусаў цяпла

• 17.01.2025, 17:53

Па паўднёвым усходзе краіны пройдуць невялікія дажджы.

У суботу, 18 студзеня, у Беларусі будзе воблачна з праясненнямі, паведамляе Белгідрамет.

Істотных ападкаў не чакаецца, толькі ўдзень месцамі на паўднёвым усходзе краіны пройдуць невялікія дажджы. Уначы і раніцай у асобных раёнах, як і ў пятніцу, прагназуецца слабы туман. Вецер будзе заходні, паўночна-заходні сярэдні, раніцай і ўдзень месцамі парывісты.

Тэрмометры ноччу пакажуць -1...+4, удзень чакаецца 2-7 градусаў цяпла.

19 студзеня праваслаўныя ў Беларусі будуць адзначаць Вадохрышча, але традыцыйных марозаў у гэты дзень не прагназуецца. Са слоў сіноптыкаў, будзе пераважна без ападкаў. У асобных раёнах чакаецца слабы туман; ноччу і раніцай будзе слабы галалёд, на дарогах - галалёдзіца. Вецер прагназуецца заходні, паўночна-заходні парывісты, ноччу па ўсходзе месцамі - моцны парывісты.

Тэрмометры пакажуць ноччу -3...+3, удзень чакаецца 1-7 градусаў вышэй за нуль.