Папулярны ў беларусаў банк уводзіць змены

• 18.01.2025, 18:29

Уводзіцца плата за аперацыі за мяжой, а таксама новыя тарыфы на некаторыя паслугі ўнутры краіны.

З 17 лютага "Альфа-Банк" уводзіць камісію за расходныя аперацыі за межамі Беларусі, учыненыя з выкарыстаннем картак міжнародных плацежных сістэм, паведамляе прэс-служба банка.

Для карт, выпушчаных беларусам ці іншаземцам у рамках зарплатнага абслугоўвання, камісія складзе 1% ад сумы аперацыі. А для замежнікаў, якія маюць карты не з заробкавым пакетам, плата будзе 3%.

"Пры гэтым на працягу 6 месяцаў будзе дзейнічаць акцыя, у адпаведнасці з умовамі якой узнагароджанне не будзе спаганяцца ў выпадку, калі валюта аперацыі супадае з валютай рахунку, да якога выпушчана карта", - удакладняюць у банку.

З 18 лютага змяняюцца ўмовы для іншых аперацый. Мінімальная камісія за зняцце гатоўкі ў банкаматах іншых банкаў, уключаючы партнёрскія, будзе складаць 4,50 рублёў. Але гэтая змена не распаўсюджваецца на аперацыі па выдачы наяўных сродкаў у рамках лімітаў, усталяваных пакетамі рашэнняў.

За пераводы грашовых сродкаў з картак банка на карткі іншых беларускіх банкаў устаноўлена камісія сумаю 1,2% ад сумы плюс 1 рубель.