ЗША пачалі размяшчэнне ў Еўропе мадыфікаваных ядравых авіябомбаў

• 18.01.2025, 19:57

Гаворка аб B61-12.

ЗША пачалі размяшчэнне мадыфікаваных ядравых авіябомбаў B61-12 у Еўропе. Пра гэта паведаміла кіраўнік Нацыянальнага агенцтва ў ядравай бяспецы (NNSA) Джыл ГрубіД на канферэнцыі ў Інстытуце Хадсана, піша «Інтэрфакс-Украіна».

Новая версія авіябомбаў B61-12, якія замянілі папярэднія мадэлі B61-3, B61-4, B61-7 і B61-10, мае паніжаную магутнасць (0,3-50 кілатон), але значна большую дакладнасць дзякуючы новаму хваставому апярэнню, які дазваляе бомбе аўтаномна планаваць да цэлі на вялікай вышыні. Гэта таксама дае магчымасць скідаць бомбу з самалёта без парашута.

У снежні 2024 года Міністэрства абароны ЗША атрымала фінальную партыю гэтых авіябомбаў, якія вырабляліся ў Цэнтры нацыянальнай бяспекі Y-12 у Ок-Рыдж, штат Тэнэсі.

На 2023 год, блізу 100 старых варыянтаў B61 захоўваюцца на авіябазах NATO ў Еўропе, між іншым у Нямеччыне, Бельгіі, Нідэрландах, Італіі і Турцыі. Новыя мадэлі B61-12 могуць быць скарыстаны знішчальнікамі F-35A, F-15E, F-16 і Tornado.