Новы ўрад Сірыі цалкам забараніў імпарт тавараў з Расеі

• 18.01.2025, 21:19

Таксама з'явілася забарона на іранскую прадукцыю.

Новы часовы ўрад Сірыі аб'явіў аб поўнай забароне імпарту тавараў, вырабленых у Расеі, Іране і Ізраілі. Пра гэта паведамляе - Al Arabiya.

Выданне зазначае, што пасля звяржэння рэжыму Башара Асада ў Сірыю хлынуў наплыў разнастайных імпартных тавараў. У сталічным Дамаску магазіны напоўнены тым, чаго даўно тут не бачылі - ад турэцкай бутыляванай вады і савудаўскіх прадуктаў харчавання да заходніх шакаладак Snickers і напіткаў Pepsi.

З мэтай падтрымання разбуранай вайной эканомікі новы ўрад абвясціў аб дазволе на выкарыстанне даляра і зацвердзіў спрашчэнне мытаў з іх адначасовым зніжэннем на 50-60%.

Такую пастанову новыя ўлады патлумачылі жаданнем спрасціць імпарт сыравіны для падтрымкі мясцовых вытворцаў і стымулявання прамысловасці.