Беларускае войска аслабла

• 20.01.2025, 12:07

У сусветным рэйтынгу яно размясцілася паміж Шры-Ланкай і Славакіяй.

Беларусь заняла 70 месца са 145 у абноўленым рэйтынгу вайсковай моцы Military Strength Ranking 2025 года.

Для складання рэйтынгу экспэрты прааналізавалі звесткі пра колькасць узброеных сіл, іх узбраенне і падрыхтоўку, патэнцыял абароннай прамысловасці і шэраг іншых чыннікаў. Ядзерная зброя не ўлічвалася пры аналізе.

У гэтым годзе Беларусь размясцілася паміж Шры-Ланкай і Славакіяй на 70 пазіцыі. У 2024 годзе наша краіна займала 64 месца, а ў 2023 годзе - 60 месца.

Першыя два месцы, як і годам раней, занялі ЗША і Расея. На трэцяй пазіцыі размясціўся Кітай.

Суседнія з Беларуссю краіны занялі наступныя месцы:

Украіна - 20 месца

Польшча - 21 месца

Літва - 88 месца

Латвія - 99 месца