УСУ знішчылі дарагую РЛС расейцаў «Неба-СВУ»

• 20.01.2025, 18:24

Яе кошт - амаль $100 мільёнаў.

На левабярэжжы Херсонскай вобласці ўкраінскія БПЛА знішчылі радыёлакацыйную станцыю расейцаў 1Л119 «Неба-СВУ», якая належала аднаму з падраздзяленняў 90-й зенітнай ракетнай брыгады 49-й агульнавайсковай арміі РФ (вайсковая частка 54821, Краснадарскі край).

Аб гэтым піша Telegram-канал «Досье Шпиона».

Атака была праведзеная з выкарыстаннем трох ударных беспілотнікаў. Паводле папярэдніх ацэнак, РЛС «Неба-СВУ» атрымала значныя пашкоджанні і не падлягае аднаўленню.

Акрамя гэтага, была знішчаная дызельная электрастанцыя «ДЭС ЭД3х30-Т400-1РА1М6», якая забяспечвала працу комплексу.