Інаўгурацыя Трампа: жывая трансляцыя

• 20.01.2025, 19:45

Як праходзіць перадача ўлады.

Абраны прэзідэнт ЗША Дональд Трамп уступае на пасаду 20 студзеня 2025 года.

Жывую трансляцыю цырымоніі інаўгурацыі 47-га прэзідэнта Злучаных Штатаў Амерыкі з Вашынгтона вядзе «Голас Амерыкі».

Дональд Трамп, а таксама былы кіраўнік амерыканскай адміністрацыі Джо Байдэн прыбылі ў Капітолій, дзе пройдзе прывядзенне Трампа да прысягі.

Абодва лідары прыехалі з жонкамі.

На цырымонію таксама прыбылі дзеці Трампа: дочкі Іванка і Ціфані, а таксама сыны Дональд Трамп - малодшы, Эрык і Бэран.

Звычайна інаўгурацыя прэзідэнта ЗША праходзіць на прыступках каля Капітолія ЗША - там размяшчаюць вялікую трыбуну, на якой сядзяць высокапастаўленыя госці і выступае сам прэзідэнт. Гледачы пры гэтым займаюць месцы ў Юніён Сквер, а таксама ў скверы да самага манументу Джорджу Вашынгтону (амаль 2 км). Аднак на гэты раз Трамп пастанавіў перанесці цырымонію ў залу Капітолія праз анамальнае пахаладанне. Згодна з прагнозам, у дзень інаўгурацыі ў Вашынгтоне чакаецца ад мінус 4 да мінус 14 градусаў холаду. Арганізатары былі заспетыя знянацку, пісала The Washington Post. На кадрах, апублікаваных з падрыхтоўкі цырымоніі, відаць, як у Юніён сквер паспелі паставіць сядзенні для гледачоў.