Трамп прынёс прысягу і стаў 47-м прэзідэнтам ЗША

• 20.01.2025, 20:09

Для прывядзення да прысягі ён выкарыстаў Біблію Абрагама Лінкальна.

Дональд Трамп заступіў на пасаду 47-га прэзідэнта ЗША. Для прывядзення да прысягі ён выкарыстаў Біблію Абрагама Лінкальна, 16-га кіраўніка дзяржавы.

За некалькі хвілінаў да гэтага да прысягі прывялі віцэ-прэзідэнта Джэй Ды Вэнса.

Цырымонія інаўгурацыі прайшла ў ратондзе Капітолія, на ёй прысутнічаюць папярэднік Трампа Джо Байдэн і былая віцэ-прэзідэнтка Камала Гарыс. Таксама на мерапрыемства прыбылі былыя прэзідэнты Барак Абама (2009–2017), Біл Клінтан (1993–2001), Джордж Буш-малодшы (2001–2009), экс-дзяржсакратарка Хілары Клінтан.