Украінскія дэсантнікі адбілі штурмы расейцаў у Курскай вобласці

• 21.01.2025, 12:33

Напады скончыліся для ворага цяжкімі стратамі.

Байцы УСУ адбілі некалькі штурмаў расейскіх войскаў у Курскай вобласці. Як паведамляе Telegram-канал Дэсантна-штурмавых войскаў Узброеных сіл Украіны, расейцам былі нанесеныя значныя страты.

«Расейскія вайскоўцы не спыняюць спроб выбіць падраздзяленні Сіл абароны Украіны з тэрыторыі Курскай вобласці РФ. Штурмавыя дзеянні на пазіцыі ўкраінскіх воінаў працягваюцца амаль штодня. Вораг кідае ў бой пяхоту, узмоцненую бронетэхнікай», - падпісанае відэа.

Нягледзячы на гэта, «накаты» штурмавых груп супраціўніка разбіваюцца аб стойкасць, мужнасць і ваеннае майстэрства ўкраінскіх дэсантнікаў. Апошні раз было адбіта некалькі атак ворага, якія скончыліся для яго цяжкімі стратамі ў жывой сіле і бронетэхніцы.

Ілюстрацыйнае фота: украінскія дэсантнікі адбілі некалькі штурмаў ворага ў Курскай вобласці