З'явіліся спадарожнікавыя здымкі наступстваў нападу дронаў на нафтабазу ў Тульскай вобласці РФ

• 21.01.2025, 20:19

Раней у ГУВ пацвердзілі паспяховую атаку на нафтабазу.

Дроны пашкодзілі ёмістасці з паліва-змазачнымі матэрыяламі на камбінаце «8 сакавіка» ў Тульскай вобласці, Расея. Раней у ГУВ пацвердзілі паспяховую атаку на нафтабазу.

Пра гэта паведамляе Радыё Свабода.

На апублікаваных за 21 студзеня здымках відаць, што ў выніку ўдару была пашкоджаная прынамсі адна ёмістасць з паліва-змазачнымі матэрыяламі камбіната.

Раней губернатар Тульскай вобласці заяўляў, што падчас нападу ў ноч на 18 студзеня ўспыхнула ёмістасць з паліва-змазачнымі матэрыяламі на адным з прадпрыемстваў рэгіёну.