Сацсетка Х запусціла аналаг TikTok

• 21.01.2025, 21:02

З 19 студзеня TikTok на некаторы час прыпыніў працу ў ЗША.

Сацсетка Х анансавала новую стужку вертыкальных відэа накшталт TikTok. Доступ да яе можна атрымаць у ніжняй панэлі праграмы, дзе з'явілася ўкладка відэа. З 19 студзеня TikTok на некаторы час прыпыніў працу ў ЗША.

У карыстальнікаў сацсеткі і раней была магчымасць праглядаць вертыкальныя відэа праз праграму, аднак цяпер з'явілася асобная частка для відэа. У сацсетцы Х і раней эксперыментавалі з медыякантэнтам і відэа – у 2024 годзе кампанія запусціла праграму для ТВ.

Сацсетка Х з 21 снежня 2024 года павысіла кошт падпіскі Premium+ да $22 за месяц. Таксама кампанія запусціла пошукавік у гарачых тэмах для падпісчыкаў Premium+.