Зяленскі: Украіна ніколі не прызнае акупаваныя тэрыторыі часткай РФ

• 22.01.2025, 10:55

Дыялог з Расеяй павінен адбывацца толькі з пазіцыі сілы.

Украіна ніколі юрыдычна не прызнае акупаваныя тэрыторыі часткай РФ.

Пра гэта прэзідэнт Украіны Уладзімір Зяленскі падчас сустрэчы з прадстаўнікамі Міжнароднай медыярады, інфармуе Цензор.НЕТ.

Зяленскі адзначыў, што для Украіны акупаваныя тэрыторыі заўсёды будуць заставацца ўкраінскімі да моманту іх вяртання пад кантроль дзяржавы.

«Хто б што ні хацеў. Няхай хоць усе хаўруснікі свету аб'яднаюцца - мы ўсё адно не прызнаем акупаваныя тэрыторыі. Гэта немагчыма. Мы юрыдычна іх не прызнаем. Для нас яны заўсёды будуць заставацца акупаванымі тэрыторыямі, пакуль мы туды не вернемся», - адзначыў кіраўнік дзяржавы.

Прэзідэнт Украіны таксама падкрэсліў, што дыялог з Расеяй павінен адбывацца толькі з пазіцыі сілы, бо ўсякая спроба ставіцца да агрэсара на роўных з'яўляецца паражэннем для Украіны.

«Пуціна нельга суб'ектывізаваць у гэтай гісторыі. Ён парушыў усё. Ён вінаваты і павінен гэта ўсвядоміць. Але яго не спыніць, калі размаўляць з ім на роўных - гэта пройгрыш для Украіны», - дадаў ён.

Зяленскі асобна адзначыў, што заканчэнне актыўнай фазы вайны з'яўляецца галоўным прыярытэтам для краіны:

«Мы павінны знайсці ўсе магчымасці, каб скончыць гарачую стадыю вайны. Гэта пытанне нумар адзін. Перамоў можа быць шмат, але галоўнае - спыніць актыўную фазу. Гэта нумар адзін гарантыі бяспекі», - рэзюмуе ўкраінскі прэзідэнт.