Свёнтэк апярэдзіла Сабаленку ў live-рэйтынгу WTA

• 22.01.2025, 15:41

Польская тэнісістка можа ссунуць беларуску.

Іга Свёнтэк апярэдзіла Арыну Сабаленку ў live-рэйтынгу WTA. Па выніках Аustrаliаn Ореn польская тэнісістка можа ссунуць беларуску з першага месца, піша «Трибуна».

Напярэдадні Адкрытага чэмпіянату Аўстраліі Сабаленка апярэджвала Свёнтэк на 1536 балаў. У мінулым сезоне полька на гэтым турніры пацярпела паражэнне ў трэцім коле, тады як беларуска стала ўладальніцай трафея. Такім чынам, Сабаленцы трэба абараніць леташнія балы, а Свёнтэк, якая ўжо прайшла далей, чым у 2024-м, здабывае дадатковыя балы.

Калі і Іга Свёнтэк, і Арына Сабаленка саступяць у паўфінале, званне першай ракеткі свету пяройдзе да польскай тэнісісткі — 8730 балаў супраць 8436. Паражэнне Свёнтэк ад Мэдысан Кіз пакіне на вяршыні рэйтынгу Сабаленку ў тым выпадку, калі яна пераможа ў 1/2 фіналу гішпанку Паўлу Бадосу.

Калі ж Сабаленка і Свёнтэк выйдуць у фінал, беларуска захавае першы радок рэйтынгу WTA за сабой у выпадку сваёй перамогі.