Байцы ГУВ знішчылі важнае спадарожнікавае абсталяванне расейцаў у Курскай вобласці

• 22.01.2025, 18:01

Відэафакт.

Байцы Галоўнай управы выведкі Міністэрства абароны Украіны ў раёне населенага пункта Цёткіна ў Расеі выявілі варожую пазіцыю з важным спадарожнікавым абсталяваннем.

Пра гэта паведаміла прэс-служба ГУВ у Telegram.

Адзначаецца, што з дапамогай FPV-дронаў знішчаныя расейскія прылады для карыстання магчымасцямі спадарожнікаў «Ямал-401», «Ямал-402» і «Ямал-300K», якія працуюць у Ка-дыяпазоне частотаў.

«Па хованцы з асабовым складам варожага разліку таксама нанесеная агнявая параза», – дадалі ў выведцы.