Генеральны сакратар NATO стэлефанаваўся з новым дзяржсакратаром ЗША

• 22.01.2025, 21:12

Пра што гаварылі.

Генеральны сакратар NATO Марк Рутэ стэлефанаваўся з дзяржсакратаром ЗША Марка Рубіё. Гэта іх першая размова пасля прызначэння кіраўніка Дзярждэпа.

Пра гэта паведамляе ў X Рутэ.

«Добры званок з Давоса з новым дзяржсакратаром Марка Рубіё. Рады бачыць вас на борце!» – напісаў ён.

Рутэ адзначыў, што з нецярпеннем чакае магчымасці вітаць Рубіё ў NATO і «працаваць разам над Украінай, Расеяй і Кітаем».

«Павелічэнне абаронных выдаткаў у Еўропе і ўзмацненне трансатлантычнай абароннай вытворчасці робіць нас усіх мацнейшымі», – канстатаваў Рутэ.