УСУ наступаюць у Курскай вобласці?

• 23.01.2025, 21:57

Расейцы паведамляюць пра адну з найбуйнейшых паветраных атак на Курск.

У Курскай вобласці РФ у чацвер, 23 студзеня, чуваць гукі выбухаў. Прапагандысцкае расейскае агенцтва РІА «Новости» піша пра працу СПА, спасылаючыся на аперштаб рэгіёну.

Расейскі Telegram-канал «ВЧК-ОГПУ» піша пра адзін з найбуйнейшых паветраных нападаў на Курск. Там таксама заяўляюць пра «працу СПА», паведамляе New Voice.

Telegram-канал «Бляха Курск» заяўляе, што ў Прысценскім раёне чуваць гук пралёту БПЛА.

У той самы час у Telegram-канале Тыповы Курск заяўляюць пра «адзін з самых масавых налётаў за апошні час». Там таксама скардзяцца на вялікую колькасць БПЛА ў вобласці.

На днях галоўны камандзір УСУ Аляксандр Сырскі расказаў, што ўжо блізу паўгода УСУ знаходзяцца ў Курскай вобласці Расеі, дзе праводзяць аперацыю. Ён таксама анансаваў наступ на тэрыторыі РФ.