10 трапленняў: дроны «Люты» атакавалі Разань

• 24.01.2025, 8:20

Пашкоджаная мясцовая нафтабаза.

Увечары 23 студзеня беспілотнікі атакавалі расейскі горад Разань, дзе ля мясцовай нафтабазы ​​жыхары пачулі дзясяткі магутных выбухаў. Аб гэтым паведаміла расейскае выданне Astra.

"Беспілотнікі атакуюць Разань, выбухі прагрымелі каля мясцовай нафтабазы ​​- кажуць мясцовыя жыхары. Яны паведамляюць па меншай меры аб дзесяці выбухах", - гаворыцца ў паведамленні.

У той жа час расейскі паблік Mash адзначыў, што атакавалі Разань украінскія дроны-камікадзэ вялікай далёкасці "Люты", якія могуць пераадольваць адлегласць больш за 1000 кіламетраў.

Губернатар Разанскай вобласці Павел Малкаў пацвердзіў, што рэгіён атакавалі дроны.

"Сродкамі СПА і РЭБ над тэрыторыяй Разанскай вобласці знішчаны беспілотныя лятальныя апараты. Паводле папярэдняй інфармацыі пацярпелых няма, ацэньваецца матэрыяльная шкода", - напісаў Малкоў.

Пасля маніторынгавыя тэлеграм-каналы паведамілі, што дроны такі патрапілі ў нафтабазу.

"НПЗ проста вялікі, маштаб добры, кажуць, што 10 трапленняў было", – гаворыцца ў паведамленні.

На момант публікацыі матэрыялу ўкраінскі бок не каментаваў інфармацыю аб нападзе на нафтабазу ў Разані.