Пуцін тэрмінова прыехаў у Крэмль уначы

• 24.01.2025, 8:23

Расейскія СМІ паднялі паніку.

У расейскай Маскве мінакі на вуліцах нечакана ўбачылі ўрадавы картэж, які накіроўваўся ў Крэмль. Ніякай афіцыйнай інфармацыі на гэты конт няма, аднак некалькі відавочцаў сцвярджаюць, што ў картэжы ёсць лімузін расейскага дыктатара Уладзіміра Пуціна, піша «Обозреватель».

Расейскія СМІ паведамляюць, што дыктатар «тэрмінова прыехаў у Крэмль з Падмаскоўя». Яго картэж на ўездзе ў расейскую сталіцу ўбачылі ў 23:29 (паводле менскага часу).

Цікава, што гэта адбываецца на фоне заявы амерыканскага прэзідэнта Дональда Трампа аб жаданні неадкладна сустрэцца з Пуціным.

Між іншым, Трамп заявіў, што атрымлівае сігналы аб гатоўнасці Пуціна сустрэцца з ім.

«Я не ведаю, ці прымусяць санкцыі сесці Расею за стол перамоў з Украінай, але нейкая дамова неабходная», - цытуюць амерыканскія мас-медыя апошнюю па часе заяву Трампа.