Расея ў агні: Масква і чатыры вобласці - пад магутнай атакай дронаў

• 24.01.2025, 9:19

Новыя падрабязнасці самага масаванага налёту з пачатку года.

Пад Масквой, а таксама ў Курскай, Бранскай, Белгародскай і Разанскай абласцях РФ раздаваліся выбухі, паведамляе «Главред».

Мэр Масквы Сяргей Сабянін у ноч на пятніцу, 24 студзеня, заявіў аб нападзе беспілотнікаў на расейскую сталіцу. Тры маскоўскія аэрапорты прыпынялі працу. Пра гэта Сабянін напісаў у Telegram.

«Сіламі СПА Мінабароны (РФ, - рэд.) у гарадской акрузе Каломна і Раменскай гарадской акрузе (Масквы, - рэд.) адбітая атака беспілотнікаў, якія ляцелі на Маскву», - напісаў ён.

Сабянін таксама паведаміў аб нібы збітых двух дронаў у гарадской акрузе Падольска (Масквы, – рэд.).

Акрамя таго, расейскія паблікі і СМІ са спасылкай на Расавіяцыю паведамілі аб прыпыненні працы маскоўскіх аэрапортаў «Дамадзедава», «Жукоўскі» і «Унукава».

Пазней Сабянін паведаміў аб нібы збітых беспілотніках у Траецкай адміністрацыйнай акрузе Масквы, а таксама ў гарадской акрузе Шчолкава.

Акрамя таго, у расейскім Мінабароны паведамілі аб нападзе беспілотнікаў у шэрагу абласцей.

Сродкі расейскай СПА нібыта знішчылі 49 беспілотнікаў. Гаворка ідзе аб Курскай, Бранскай, Белгародскай абласцях і часова акупаваным Крыме.

Таксама ў сацсетках паведамілі, што беспілотнікі атакавалі Разанскую вобласць, выбухі прагрымелі каля мясцовай нафтабазы «РНПК». Над нафтабазай нібыта збілі не менш за 10 дронаў. Расейскія паблікі паведамілі аб пажары ў раёне ЦЭЦ і нафтазавода ў Разані пасля атакі БПЛА.

Губернатар Разанскай вобласці заявіў, што працягваецца ліквідацыя наступстваў паветранага нападу.