Жыхар Віцебска ездзіў на аўто з расейскімі правамі, надрукаванымі на прынтары

• 24.01.2025, 17:54

У інспектараў узніклі сумневы ў іх сапраўднасці.

Жыхар Віцебска ездзіў па краіне з падробленымі расейскімі правамі, паведамілі ў Дзяржаўным камітэце судовых экспертызаў.

Супрацоўнікі ДАІ спынілі Mercedes, за стырном якога знаходзіўся віцябчук. Мужчына паказаў міліцыянерам пасведчанне кіроўцы Расейскай Федэрацыі. У інспектараў узніклі сумневы ў яго сапраўднасці, таму дакумент накіравалі на экспетызу.

Эксперты вызначылі, што бланк пасведчання кіроўцы Расейскай Федэрацыі выраблены не прадпрыемствам, якое ажыццяўляе вытворчасць прадукцыі гэтага віду. Ён выкананы спосабам струменевага друку, а ахоўныя элементы імітаваныя.

У ДКСЭ нагадалі, што за выкарыстанне заведама фальшывага дакумента прадугледжаная крымінальная адказнасць.