Расейцаў накрыла касетамі: УСУ правялі цудоўную аперацыю пад Курскам

• 25.01.2025, 9:27

Ворага ўдалося абхітрыць нестандартным спосабам.

Байцы 225 АШБ у супрацоўніцтве з іншымі падраздзяленнямі УСУ ўдарылі касетнымі снарадамі па зборы расейцаў у Курскай вобласці. Ворага ўдалося абхітрыць нестандартным спосабам.

Удараў касетнымі снарадамі па акупантах стала больш за апошні час. Менавіта яны паказваюць максімальную эфектыўнасць, расказаў у зводцы для «24 Канала» ваенны эксперт, палкоўнік УСУ ў запасе лётчык-інструктар Раман Світан.

Складаная аперацыя УСУ на Куршчыне

Байцы 225-га асобнага штурмавога батальёна падзяліліся інфармацыяй пра эпічную аперацыю ў Курскай вобласці. Яна прадугледжвала стварэнне ўмоваў для нанясення агнявой паразы і зачысткі аднаго адрэзка на Куршчыне, які цягам некалькіх дзён актыўна штурмавалі расейцы.

Украінскія вайскоўцы свядома адышлі са сваіх пазіцый, каб прывабіць туды сотні расейцаў разам з тэхнікай. У цеснай кааперацыі з іншымі падраздзяленнямі ворага ўдалося накрыць касетнымі снарадамі з HIMARS.

«Касетныя боепрыпасы HIMARS і ракеты GMLRS – вельмі добра сябе паказалі. Ідзе паветраны падрыў, знішчэнне вялікай плошчы з ворагам. Часам пачынаюць дабіваюць фугасамі. Ідзе праца ў пары, каэфіцыент карыснага дзеяння сур'ёзны. Гэта праца нашай выведкі, карэктаванне агню і выкананне баявой задачы ракетнікамі», – адзначыў Раман Світан.

Падобныя аперацыі і ўдары з'яўляюцца надзвычай эфектыўнымі. У той самы час маштабаваць іх складана праз невялікую колькасць пускавых установак HIMARS. Вядома, што ва Украіне ёсць не больш за 40 адзінак M142 HIMARS, калі патрэба вымяраецца сотнямі.