Джэкі Чан перапыніў трэніроўку Арыны Сабаленкі перад фіналам Australian Open

• 25.01.2025, 11:46

Сёння беларуская тэнісістка будзе змагацца за тытул чэмпіёнкі.

Знакаміты актор Джэкі Чан нечакана наведаў трэніроўку першай ракеткі свету Арыны Сабаленкі напярэдадні яе фінальнага матчу на Australian Open-2025 супраць амерыканкі Мэдысан Кіз. Сёння беларуская тэнісістка будзе змагацца за тытул чэмпіёнкі.

Як паведаміў championat.com, з’яўленне галівудскай зоркі стала сапраўднай нечаканкай для беларускай тэнісісткі, чаму тая перапыніла трэніроўку. Сабаленка і Джэкі Чан прывіталі адно аднаго і зрабілі супольнае фота.

Фінальны матч Australian Open-2025 паміж Арынай Сабаленкай і Мэдысан Кіз адбудзецца сёння, 25 студзеня, на арэне Рода Лэйвера. Пачатак сустрэчы запланаваны на 11:30.