У Курскай вобласці знішчанае падраздзяленне марскіх пяхотнікаў РФ, вядомае расстрэламі ўкраінскіх палонных

• 25.01.2025, 12:50

«Паляванне» на акупантаў прайшло паспяхова.

Украінскія дэсантнікі знішчылі падраздзяленне марскіх пяхотнікаў РФ у Курскай вобласці. Былі ліквідаваныя акупанты са 155-га АБрМП.

Пра гэта паведамляюць Дэсантна-штурмавыя войскі (ДШВ) УСУ.

«У Курскай вобласці дэсантнікі 82-й асобнай дэсантна-штурмавой Букавінскай брыгады ДШВ УС Украіны знішчылі падраздзяленне расейскіх марскіх пяхотнікаў 155-й асобнай брыгады марской пяхоты ціхаакіянскага флоту РФ», – гаворыцца ў паведамленні.

Як адзначаюць вайскоўцы, «паляванне» на акупантаў, якія забіваюць украінскіх палонных, прайшло паспяхова і будзе прадаўжацца надалей.