Кіраўнік Еўрапарламента: «Выбары» ў Беларусі - фікцыя

• 26.01.2025, 8:40

Час дыктатуры скончыцца, дэмакратыя пераможа.

Фікцыяй назвала прызначаныя на 26 студзеня прэзідэнцкія "выбары" ў Беларусі прэзідэнтка Еўрапейскага парламента (ЕП) Рабэрта Метсола.

«Маё пасланне народу Беларусі: трымайцеся, мы вас падтрымліваем, час дыктатуры скончыцца. Дэмакратыя пераможа», - напісала яна на сваёй старонцы ў сацыяльнай сетцы Х.

22 студзеня Еўрапарламент прыняў рэзалюцыю, у якой гаворыцца аб непрызнанні электаральнай працэдуры ў Беларусі і легітымнасці Аляксандра Лукашэнкі. Дакумент падтрымалі 567 з 658 еўрапарламентарыяў, якія прагаласавалі, 25 выступілі супраць, 66 устрымаліся.

Нагадаем, што дыктатару Сірыі Башару Асаду таксама малявалі на выбарах 90%, але ягоны рэжым упаў за некалькі дзён.