З'явілася відэа моманту абвальвання моста праз Прыпяць у Мазыры.

• 26.01.2025, 17:37

Прычынай катастрофы стала "завіхрэнне вады".

У Сеціве з'явілася відэа моманту абвальвання цэнтральнага пралёта моста праз Прыпяць у Мазыры. Імаверна, яго здымалі працоўныя, якія ў гэты момант знаходзіліся на пляцоўцы, піша сайт "Еўрарадыё".

Паводле афіцыйнай версіі кіраўніка РУП "Гомельаўтадар" Дзяніса Ясько, прычынай катастрофы стала "завіхрэнне вады". Ён заявіў, што з-за яго баржа нахілілася, што і прывяло да абвальвання металічных канструкцый.

Паведамляецца, што ніхто не пацярпеў. Інцыдэнт здарыўся падчас дэмантажу старых канструкцый.