УСУ прарваліся наперад у Курскай вобласці РФ

• 27.01.2025, 17:21

Украінскія вайскоўцы правялі паспяховыя контратакі.

Аналітыкі Інстытута вывучэння вайны (ISW) паведамілі, што УСУ нядаўна прасунуліся ў Курскай вобласці РФ.

Геалакацыйныя кадры за 26 студзеня, паказваюць, што УСУ нядаўна нязначна рушылі наперад у цэнтры Паграбкоў, што на поўнач ад Суджы, а таксама ў лясістай мясцовасці на паўночны захад ад Косіцы. Акрамя таго, так званыя расейскія мілблогеры сцвярджалі, што ўкраінскія сілы праводзілі контратакі пад Паграбкамі.