«Барселона» перамагла ва ўсіх 5 матчах са Шчэнсным на браме

• 27.01.2025, 18:32

Польскі галкіпер паказаў уражальную гульню.

Для брамніка Войцэха Шчэнснага 7:1 з «Валенсіяй» - 5-ы матч у складзе «Барселоны», піша by.tribuna.com.

Каманда перамагла ва ўсіх пяці гульнях, калі яе браму бараніў 34-гадовы паляк.

Да гэтага былі 5:4 з «Бенфікай», 5:2 з «Рэалам», 2:0 з «Атлетыкам» і 4:0 з «Барбастра».

Галкіпер адыграў на нуль у 2 з 5 матчаў за «Барсу», у астатніх трох прапусціў 6 галоў.