Беларусцы давялося даводзіць, што яна маці сваёй жа дачкі

• 29.01.2025, 18:15

Як так выйшла.

Ва ўправу Дзяржаўнага камітэта судовых экспэртыз у Гарадзенскай вобласці звярнулася 93-гадовая мясцовая жыхарка.

Жанчына расказала, што ў пасведчанні аб нараджэнні ейнай дачкі дапушчана памылка. А менавіта, няслушна пазначанае прозвішча маці.

З-за гэтай недакладнасці маглі ўзнікнуць цяжкасці з афармленнем спадчыны.

У выніку была праведзеная генетычная экспэртыза, якая пацвердзіла сваяцтва.

Кожны год ДКСЭ Гарадзенскай вобласці робіць блізу 160 экспертыз для ўстанаўлення сваяцтва. Прыкладна 60% з іх - у судовых справах. У астатніх выпадках людзі самастойна звяртаюцца для правядзення ДНК-тэстаў.