Фінская кампанія распрацавала для Украіны дрон-камікадзэ

• 29.01.2025, 19:07

Беспілотнік падвышанай далёкасці назвалі «Сталёвым арлом».

Фінская абаронная кампанія Insta распрацавала баявы робат у калабарацыі з партнёрам ва Украіне. Аб гэтым Insta паведамляе на афіцыйным сайце.

«Кампанія Insta распрацавала новую, больш эфектыўную версію камбінацыі беспілотніка і запатэнтаванага зарада выбухоўкі», – гаворыцца ў паведамленні.

Беспілотнік называецца Steel Eagle ER («Сталёвы арол ПД», падвышанай далёкасці), ён стаў таннейшай версіяй у параўнанні з папярэдняй мадэллю. Са слоў віцэ-прэзідэнта кампаніі Тууры Лехтаранта, «украінскі партнёр, які працуе ў больш шырокай экасістэме беспілотных лятальных апаратаў», пастаўляў для беспілотніка абсталяванне для лепшай прадукцыйнасці і большых далёкасці палёту і грузападымальнасці.

Элемент з выбухоўкай на борце вагой прыкладна 3,6 кг змяшчае ў сабе сталёвыя і вальфрамавыя шарыкі, якія разлятаюцца пасля выбуху па вобласці паражэння больш як на 2 тысячы кв. м. Таксама беспілотнік абсталяваны сістэмай устойлівасці апарата да перапынкаў у сувязі.

Распрацоўнік абвясціў, што робат паступіў у продаж на рынак Украіны, таксама ён неўзабаве стане даступны на еўрапейскім рынку і ў краінах NATO. Кампанія Insta з'яўляецца стратэгічным партнёрам Узброеных сіл Фінляндыі.