У Менску ў канцы студзеня запрацаваў рачны трамвай

• 29.01.2025, 19:48

Відэа.

У сталіцы Беларусі па вадасховішчы Дразды курсуе рачны трамвай. Пра гэта распавялі на дзяржпрадпрыемстве «Аква-Мінск».

Увосень мінулага года гэты водны транспарт запускалі ў тэставым рэжыме. Паўнавартасная работа намячалася на вясенне-летні перыяд 2025-га. Аднак цёплае надвор'е дазволіла запусціць рачны трамвай ужо зараз, у канцы студзеня.

Цяпер наведвальнікі і госці гатэльнага комплексу на беразе вадасховішча могуць хутка дабрацца да аквапарка «Лебядзіны», які знаходзіцца на супрацьлеглым баку вадаёма, і назад.

Мінулы год пабіў рэкорды і стаў самым цёплым у краіне за ўсю гісторыю метэаназіранняў.

У снежні тэмпература была вышэйшай за норму на 2,8°C. Прычым на большай частцы тэрыторыі Беларусі кліматычная зіма дагэтуль не наступіла.

Пад такім тэрмінам маецца на ўвазе пераход праз 0°C у бок паніжэння або падвышэння тэмпературы. Такая сітуацыя была ў 2021 годзе.

У Белгідрамеце мяркуюць, што сёлетняя зіма можа ўвайсці ў лік самых цёплых.