У Каліфорніі прыватны самалёт упаў на будынак

• 3.01.2025, 10:04

Ёсць ахвяры і шмат параненых.

У горадзе Фулертан у Паўднёвай Каліфорніі невялікі самалёт рэзнуўся ў мэблевы склад усяго праз некалькі хвілін пасля вылету з найбліжэйшага аэрапорта. Два чалавекі загінулі і 19 атрымалі раненні, піша ABC.

Паведамленне аб здарэнні паступіла а 14.00 2 студзеня (01.00 3 студзеня паводле Менску). Паліцыя Фулертана заявіла, што двое загінулых, як мяркуецца, знаходзіліся ўнутры самалёта ў момант катастрофы. Пацярпелыя ў той час працавалі ўнутры будынка і атрымалі траўмы ад нязначных да вельмі сур'ёзных. З 19 пацярпелых 11 чалавек былі дастаўлены ў шпіталь.

Пасля ўзлёту аднаматорны чатырохмясцовы самалёт Van’s Aircraft RV-10 падняўся на вышыню каля 270 метраў, а пазней экіпаж звязаўся з дыспетчарскай вышкай з просьбай неадкладна вярнуцца ў аэрапорт. Пілоту дазволілі пасадку. Аднак самалёт развярнуўся на 180 градусаў і ўпаў прыкладна за 300 метраў ад узлётна-пасадачнай паласы, рэзнуўся ў мэблевы склад і загарэўся.

Няясна, чаму пілот перадаў па радыё паведамленне з просьбай вярнуцца ў аэрапорт. Паводле інфармацыі пажарнай службы Фулертана, аварыя прывяла да моцнага пажару і значнага пашкоджання часткі склада.