УСУ разбілі расейскую бранятанкавую групу пад Часавым Ярам

• 3.01.2025, 17:31

Знішчылі чатыры танкі і тры БПМ.

Воіны батальёна беспілотных авіяцыйных комплексаў «Рарог» 24-й асобнай механізаванай брыгады імя караля Даніла цягам дня з дапамогай FPV-дронаў знішчылі чатыры танкі Т-62, якімі расейскія захопнікі атакавалі Часаў Яр Данецкай вобласці.

Пра гэта паведаміла 24-я АМБр Сухаземных войскаў Узброеных сіл Украіны ў Telegram і апублікавала адпаведнае відэа.

«Таксама байцы знішчылі тры баявыя машыны пяхоты БМП-2. Нашы FPV-дроны не пакінулі шанцаў тэхніцы ворага», - гаворыцца ў паведамленні.

Як паведаміў спікер аператыўна-стратэгічнай групоўкі войскаў «Хорціца» Віктар Трэгубаў, сітуацыя ў Часавым Яры застаецца стабільнай, войскі РФ спрабуюць перайсці канал Северскі Данецк-Данбас і знізілі інтэнсіўнасць спроб захапіць камбінат вогнетрывалых матэрыялаў.