«Адбылося неверагоднае»

• 30.01.2025, 11:57

У менскай краме паказалі, як сталі пакаваць цукар і муку.

У TikTok апублікавалі ролік, у якім паказалі, як у менскай краме сталі пакаваць сыпкія прадуць: муку, цукар, соль. Ноў-хаў было простым: папяровы мяшок з таварам змяшчаюць у поліэтыленавы. Некаторыя каментатары асудзілі такую пастанову, піша "Тэлеграф".

“Адбылося нешта неверагоднае: цяпер вашыя рукі, торбы і мяшкі не будуць усе ў муцэ, цукры і солі. Яны ўжо спакавалі кожны сыпкі прадукт у асобны мяшок», - расказаў на відэа яго аўтар.

Ён удакладніў, што гэта крама гандлёвай сеткі "Гіпа", і дадаў, што такая ўпакоўка яго "прыемна здзівіла". Ноў-хаў увялі ў адной краме гэтай кампаніі або ў некалькіх, не вядома.

"Яшчэ больш пластыкавых адкідаў!" - абурыўся адзін каментатар.

“Прырода скажа “дзякуй”, - падтрымаў яго іншы.

“Адкрыйце ўжо хаця б першую спасылку ў гугле і пачытайце нарэшце наступствы пластыка…” — заклікаў трэці.

Хтосьці ўдакладніў, што гэта крама "Гіпа" ў новым сталічным гандлёва-забаўляльным цэнтры Prizma. Іншы карыстальнік TikTok падзяліўся, што бачыў такое ж пакаванне сыпкіх прадуктаў у краме сеткі “Санта”.