У Менску аслеплены сонцам кіроўца знёс святлафор

• 30.01.2025, 17:16

Відэафакт.

У Менску кіроўца легкавіка знёс святлафор. Момант аварыі патрапіў у аб'ектыў камеры вонкавага назірання.

Здарэнне адбылося 30 студзеня блізу 13.30. Паводле папярэдняй інфармацыі ДАІ, 47-гадовы кіроўца Renault рухаўся па вуліцы Уральскай. Пры павароце налева на вуліцу Даўгабродскую ён не справіўся з кіраваннем і ўчыніў наезд на святлафорны аб'ект.

Паводле словаў мужчыны, яго асляпіла сонца.

У выніку ДТЗ ніхто не пацярпеў, транспартны сродак атрымаў механічныя пашкоджанні.