Беларусы змогуць без візы ездзіць яшчэ ў адну краіну

• 30.01.2025, 17:33

Больш за год спатрэбілася бакам, каб развязаць усе юрыдычныя пытанні.

З 30 студзеня 2025 года нарэшце пачынае дзейнічаць міжурадавае пагадненне аб бязвізавым рэжыме для жыхароў Беларусі і В'етнама.

Гэты дакумент быў падпісаны яшчэ ў снежні 2023-га падчас афіцыйнага візіту прэм'ер-міністра Рамана Галоўчанкі ў Ханой.

Больш за год спатрэбілася бакам, каб развязаць усе юрыдычныя пытанні. Цяпер грамадзяне абедзвюх краінаў, якія маюць звычайныя пашпарты, могуць праз бязвізавы рэжым уязджаць на 30 дзён. Агульны ж тэрмін знаходжання на тэрыторыі іншай дзяржавы не павінен перавышаць 90 дзён цягам каляндарнага года.