УСУ адкінулі расейцаў у раёне Котлінага і вярнулі пазіцыі ў Зверавым

• 31.01.2025, 10:00

Апублікаваная карта.

На Пакроўскім кірунку за апошнія дні Сілы абароны Украіны маюць поспехі. Ім удалося адкінуць расейцаў у раёне Котлінага і вярнуць асобныя страчаныя пазіцыі паблізу Зверава. Пра гэта піша блогер і ваенны карэспандэнт Багдан Мірошнікаў.

«Пакроўскі кірунак. Атрымалася трохі адкінуць ворага на паўночных ускраінах Котліна. Па чыгунцы ад Котліна на Пакроўск далейшы рух акупантаў быў заблакаваны. Але да гэтага яны паспелі прайсці каля 1,5 км ад вёскі», - праінфармаваў ён.

Адзначаецца, што ва Удачны працягваюцца цяжкія для абодвух бакоў баі. У Зверавым Сілам абароны ўдалося аднавіць раней страчаныя пазіцыі глыбінёй да 400 метраў.

"Агульная карціна яшчэ вельмі несуцяшальная, але пачынае адчувацца, што АСВУ "Хорціца" трапіла ў надзейныя рукі", - адзначыў Багдан Мірошнікаў.

У ранішняй справаздачы Генштаба УСУ 31 студзеня паведамлялася, што на Пакроўскім кірунку ўкраінскімі абаронцамі адбіта 71 атака. Вораг спрабаваў рушыць наперад непадалёка ад населеных пунктаў Малінаўка, Лізаветаўка, Вадзяное Другое, Новатарэцкае, Андрэеўка, Зверава, Луч, Пакроўск, Лісоўка, Новаўкраінка, Удалае, Ясенава, Шаўчэнка і Дачнае.