Дзяржсакратар ЗША зрабіў новую заяву пра вайну ва Украіне

• 31.01.2025, 14:38

Трамп запускае працу жорсткай дыпламатыі

Дзяржаўны сакратар ЗША Марка Рубіё мяркуе, што Украіну вяртаюць "на 100 гадоў назад". Ён чарговым разам сказаў, што расейска-ўкраінская вайна павінна закончыцца перамовамі абодва бакі павінны пайсці на саступкі.

Пра гэта паведамляе РБК-Украіна са спасылкай на ягоную заяву ў інтэрв'ю амерыканскай журналістцы Мегін Келі.

"Несумленнасць, якая існавала, палягае ў тым, што мы нейкім чынам дазволілі людзям паверыць, што Украіна зможа не проста перамагчы Расею, але і знішчыць яе, падштурхнуўшы іх назад да таго, як выглядаў свет у 2012 ці 2014 гадах", - сказаў Рубіё.

Дзяржсакратар ЗША заявіў, што гэта нібыта ўрэшце прывяло да фінансавання "тупіковай сітуацыі" на працягу апошніх паўтара года.

“Тым часам Украіну вяртаюць на 100 год таму. Іх энэргасістэма знішчаецца. Камусьці давядзецца плаціць за ўсю гэтую рэканструкцыю постфактум, і вы ведаеце, колькі ўкраінцаў выехалі з Украіны, жывуць зараз у іншых краінах, яны могуць ніколі не вярнуцца. Гэта іх будучыня, і яна пад пагрозай», - мяркуе ён.

Таксама Рубіё дадаў, што пазіцыя прэзідэнта ЗША Дональда Трампа ў тым, што гэта "зацяжны канфлікт" і яго трэба заканчваць перамовамі, чарговы раз заявіўшы аб тым, што бакам давядзецца пайсці на саступкі.

“Гэта будзе праца жорсткай дыпламатыі, як мы звыклі рабіць у свеце ў мінулым, і мы будзем рэалістычнымі ў гэтых дачыненнях, але абодва бакі падчас перамоў павінны нешта даць”, - рэзюмаваў Рубіё.

Адзначым, што гэта ўжо не першая такая заява Рубіё па заканчэнні вайны ва Украіне. Раней ён ужо казаў, што адміністрацыя прэзідэнта ЗША Дональда Трампа імкнецца не проста да заканчэння расейска-ўкраінскай вайны, але і каб яна не паўтарылася праз 2-4 гады. Таксама ён згадваў і пра саступкі, на якія павінны пайсці абодва бакі канфлікту.

Нагадаем, што не толькі адміністрацыя, але і сам новаабраны прэзідэнт ЗША Дональд Трамп неаднаразова заяўляў, што імкнецца як мага хутчэй знайсці развязанне расейска-украінскай вайны. Яшчэ да вяртання ў Белы дом Трамп казаў, што зможа скончыць вайну за 24 гадзіны ці нават і менш. Зрэшты, пасля абрання ён ужо не ўспамінае пра гэтыя "24 гадзіны".

Як вось нядаўна спецпрадстаўнік прэзідэнта ЗША аб Украіне Кіт Келаг сказаў, што імкнецца знайсці развязанне на працягу 100 дзён пасля інаўгурацыі Трампа.

Паводле экспэртных ацэнак, найбліжэйшыя месяцы можа адбыцца размова аб заканчэнні вайны прэзідэнта ЗША Трампа і з расейскім дыктатарам Уладзімірам Пуціным. Сігналы аб гатоўнасці перамоў ужо гучалі як з боку Вашынгтона, так і з боку Масквы.

Зрэшты, Пуцін працягвае выстаўляць ультыматум. Таму прэзідэнт Уладзімір Зяленскі папярэдзіў, што Пуцін не гатовы да дыпламатыі. Таму Кіеву патрэбная моцная пазіцыя, якую могуць забяспечыць ЗША з іншымі супольнікамі.