Чарга легкавых аўтамабіляў на выезд з Беларусі ў Польшчу зноў вырасла

• 31.01.2025, 14:59

У зоне чакання знаходзіцца блізу 360 легкавых аўтамабіляў.

Чарга на выезд з Беларусі ў пункце пропуску "Берасце" зноў вырасла. Раніцай 31 студзеня ў зоне чакання знаходзіцца амаль 360 легкавых аўтамабіляў, звярнула ўвагу выданне MOST.

З разлікаў сэрвісу By Border Queue bot, прагназаваны час чакання складае больш за 16 гадзін.

Чарга хутка вырасла ў параўнанні з папярэднім днём. 30 студзеня ўдзельнікі памежных чатаў пісалі, што правялі ў зоне чакання ад 6 да 7,5 гадзіны, а ўвесь працэс перасячэння мяжы займаў блізу 11 гадзін.

Праходжанне мяжы з Беларусі ў Польшчу на аўтобусе 30 студзеня займала амаль 4 гадзіны.