У Менску выключылі знакамітыя каскадныя вадаспады

• 31.01.2025, 18:12

У «Менскводаканале» распавялі, калі запусцяць зноў.

У сталічным мікрараёне «Усход» перацялі знакамітыя каскадныя вадаспады на Сляпянскім канале. Вось што адбылося, піша Blizko.by.

Каскадныя вадаспады ўладкавалі на Сляпянскім канале яшчэ да пачатку 1980-х гадоў, тут заўсёды было шмат адпачывальнікаў. Цяпер, праўда, купацца забаронена, як і рыбу лавіць, але рыбаловы ўсё адно тут сядзяць ці ледзь не круглы год.

Учора ўвечары вадаспады ўжо былі перацятыя.

Работнікі «Мінскводаканала» распавялі, што вадаспад перакрыты на тэхнічныя працы. Паводле рэгламента гэта трэба рабіць рэгулярна, кожны год. Патрэбна ачысціць самі каскады (бетонныя пліты-прыступкі, з якіх падае вада). Але сёння ўначы і раніцай у горадзе стаяў мароз, праз што працы пачаць не атрымлівалася.

Работнікі чакалі, калі стане цяплей. Праз некалькі гадзін тэмпература значна паднялася, мясцовасць вакол агарнуў туман.

Работнікі таксама расказалі, што калі цёплае надвор'е будзе стаяць і далей, то вадаспады запусцяць зноў.