Рассельгаснагляд узмацніў кантроль за мясам беларускага прадпрыемства

• 31.01.2025, 18:55

У ім выявілі лістэрыі.

Рассельгаснагляд паведаміў, што ў ялавічыне аднаго з беларускіх прадпрыемстваў знайшлі лістэрыі. Пра гэта сказана ў лісце расейскага ведамства, піша Office Life.

Размова ідзе аб прадукцыі ТАА «Межава СТАРТ» з Віцебскай вобласці.

Паколькі парушэнне знайшлі ўпершыню, у рэестры прадпрыемстваў Мытнага саюза статус кампаніі змянілі на «ўзмоцнены лабараторны кантроль».

У канцы снежня статус сямі беларускіх прадпрыемстваў змянілі на «ўзмоцнены лабараторны кантроль».