СМІ: Жаўнеры з Каўказа пачалі арганізоўваць дыверсіі ў тыле расейскіх войскаў

• 5.01.2025, 8:40

У Запарожскай вобласці пачасціліся этнічныя канфлікты паміж вайскоўцамі РФ.

На акупаваных тэрыторыях Запарожскай вобласці зафіксаваныя этнічныя канфлікты паміж вайскоўцамі РФ. Галоўнае супрацьстаянне адбываецца паміж расейцамі і прадстаўнікамі каўказскіх народаў.

Пра гэта паведамляе Telegram-канал партызанскага руху «АТЭШ».

Адзначаецца, што ў 70-м мотастралковым палку РФ фіксуюцца рэгулярныя выпадкі слоўных абраз, заснаваных на нацыянальнай прыналежнасці, а таксама фізічныя расправы.

«У палку ёсць мноства антыпуцінскіх жаўнераў, якія супрацьдзейнічаюць свайму камандаванню. Гэтыя вайскоўцы арганізоўваюць дыверсіі ў тыле, пашкоджваючы тэхніку ў месцах дыслакацыі падраздзялення», - паведамляюць партызаны.