Прэм'ерка Італіі сустрэлася з Трампам

• 5.01.2025, 10:01

NYT даведаўся дэталі.

Прэм'ер-міністр Італіі Джорджа Мелоні наведала новаабранага прэзідэнта ЗША Дональда Трампа. Сустрэча была нефармальнай і адбылася ў ягоным гольф-клубе ў Фларыдзе 4 студзеня.

Пра гэта паведамляе The New York Times.

Як піша выданне, паездка адбылася ўсяго за некалькі дзён да таго, як Мелоні збіраецца сустрэць дзейнага прэзідэнта ЗША Джо Байдэна ў Рыме з афіцыйным візітам у Італію і Ватыкан 9-12 студзеня.

Паводле паведамленняў пула, Трамп сказаў, што вячэраў з Мелоні, якую ён назваў "фантастычнай жанчынай".

Затым яны разам з некаторымі патэнцыйнымі чальцамі будучай адміністрацыі Трампа, уключаючы кандыдата на пасаду дзяржсакратара Марка Рубіё і міністра фінансаў Скота Бэсэнта, паглядзелі фільм.