У Курскай вобласці ліквідавалі расейскага шпіёна

• 5.01.2025, 21:27

Раней яго выгналі з Румыніі.

Сербскага найміта і былога расейскага шпіёна Браціслава Жыўковіча забілі ў Курскай вобласці.

Пра гэта паведамляе Digi24.

Сербскі найміт Браціслаў Жыўковіч, які раней быў прызнаны непажаданай асобай у Румыніі з-за шпіёнскай дзейнасці на карысць Расеі, загінуў у баях у Курскай вобласці РФ.

«Уночы 2 студзеня ў цяжкіх баях за вызваленне Курскай вобласці як герой загінуў наш сябар і пабрацім, камандзір штурмавога ўзвода Браціслаў Жыўковіч», - гаворыцца ў паведамленні расейскага Telegram-канала.

Жыўковіч узначальваў экстрэмісцкую арганізацыю «Чэтніцкі Пакроў» у Сербіі.