УСУ за дзень пацэлілі ў два расейскія С-300

• 6.01.2025, 17:33

Гэта адбылося на паўднёвым кірунку.

Украінскія вайскоўцы цягам апошніх дзён пацэлілі ў два расейскія зенітна-ракетныя комплексы сярэдняга радыусу дзеяння «С-300». Гэта адбылося на паўднёвым кірунку.

Пра гэта паведаміла Аператыўнае камандаванне «Поўдзень» у Facebook.

Паводле інфармацыі вайскоўцаў, цягам апошніх дзён былі атакаваныя два «С-300». А таксама 25 адзінак артылерыйскіх сістэм, 21 адзінка выведвальных дронаў і іншая тэхніка ворага.

Таксама на Гуляйпольскім і Арэхаўскім кірунках супраціўнік працягвае праводзіць ратацыйныя мерапрыемствы асабовага складу. Расейцы фармуюць там штурмавыя групы, перамяшчаючы іх бліжэй да лініі баявога судакранання.

За мінулы дзень агульныя варожыя страты на поўдні склалі:

- 48 акупантаў;

- 2 зенітна-ракетныя комплексы «С-300»;

- 20 артустановак, у т.л. «Гіяцынт-З», «Мста-Б»;

- 2 мінамёты;

- 22 адзінкі аўтамабільнай і бронетэхнікі;

- 21 адзінку выведвальных БПЛА «Supercam», «Zala» і «Арлан-10»;

- 4 матацыклы;

- 1 багі;

- 1 лодку;

- 2 станцыі РЭБ;

- 5 антэн кіравання БПЛА;

- 2 антэны сувязі;

- спадарожнікавы тэрмінал «Starlink».

Пашкоджаныя:

- 8 хованак і 5 месцаў пражывання асабовага складу;

- 11 інжынерна-фартыфікацыйных збудаванняў;

- месца захоўвання боепрыпасаў, матэрыяльна-тэхнічных сродкаў і месца захоўвання гаруча-змазачных матэрыялаў;

- пункт кіравання БПЛА.