У Растоўскай вобласці падняўся дым: магчыма, над вайсковымі складамі

• 6.01.2025, 19:49

Фотафакт.

У горадзе Каменск-Шахцінскі Растоўскай вобласці сёння, 6 студзеня, узняўся дым. Магчыма, гэта адбылося над вайсковымі складамі расейцаў.

Пра гэта паведамляе РБК-Украіна са спасылкай на кіраўніка Цэнтра супрацьдзеяння дэзінфармацыі пры РНБА Андрэя Каваленку ў Telegram.

Каваленка напісаў, што ў Каменску-Шахцінскім заўважаны густы дым. У горадзе знаходзіцца "Камбінат Каменскі" - прадпрыемства, на якім вырабляюць паліва для ракетных рухавікоў. Паліва прызначанае для ракет "Іскандэр", РСЗА "Смерч" і "Ураган".

Таксама ў населеным пункце знаходзяцца вайсковыя склады, якія маюць дачыненне да прадпрыемства.

“На сховішчах ваенна-тэхнічнай маёмасці, якія маюць дачыненне да “Камбіната Каменскага”, захоўваецца сыравіна для вытворчасці ракетнага паліва, і менавіта там бачны дым”, - падкрэсліў Каваленка.