УСУ ўзялі ў палон больш за 100 вайскоўцаў войска РФ з Крыма

• 7.01.2025, 18:45

Большасць з іх, напэўна, з'яўляюцца грамадзянамі Украіны.

Ва ўкраінскі палон трапіў сама меней 101 расейскі вайсковец з часова акупаванага Крыма.

Пра гэта паведамляе РБК-Украіна са спасылкай на прэс-службу прадстаўніцтва прэзідэнта Украіны ў АР Крым.

«Пацверджанае ўзяцце ў палон сама меней 101 вайскоўца РФ з акупаванага Крыма», - гаворыцца ў паведамленні.

Адзначаецца, большасць з іх, імаверна, з’яўляюцца грамадзянамі Украіны.

Таксама ў прадстаўніцтве прэзідэнта расказалі, што на вайне загінулі сама меней 1657 салдат расейскага войска з падраздзяленняў, дыслакаваных у акупаваным Крыме. 1107 з іх, магчыма, былі грамадзянамі Украіны.

Аднак колькасць загінулых можа быць большая, бо Расея ўтойвае рэальныя страты.