Венесуэла разарвала дыпламатычныя стасункі з Парагваем

• 7.01.2025, 19:13

Прэзідэнт Парагвая падтрымаў лідара апазіцыі Венесуэлы Эдмунда Гансалеса.

Гэтая пастанова звязаная з падтрымкай парагвайскага лідара на адрас апазіцыянера Эдмунда Гансалеса.

Венесуэла разарвала дыпламатычныя стасункі з Парагваем пасля слоў яго прэзідэнта Сант'яга Пенья, які не прызнаў перамогу на «выбарах» дзейнага венесуэльскага дыктатара Нікаласа Мадура. Аб гэтым паведаміў у тэлеграм-канале міністр замежных спраў Венесуэлы Іван Хіль.

«Баліварыянская Рэспубліка Венесуэла катэгарычна зняпраўджвае заявы прэзідэнта Парагвая Сант'яга Пенья, які, ігнаруючы міжнароднае права і прынцып неўмяшання, паўтарае няўдалую практыку, якая нагадвае палітычныя фантазіі цяпер не існай Групы Лімы з яе недарэчнай авантурай пад назвай Гуайдо.

Да гэтага 6 студзеня Пенья напісаў у X, што ён размаўляў з кандыдатам ад апазіцыйнай «Дэмакратычнай унітарнай платформы» (PUD) Эдмунда Гансалесам і выказаў упэўненасць, што менавіта апазіцыянер атрымаў перамогу на прэзідэнцкіх «выбарах» 2024 года.

Апазіцыя не прызнала вынікі «выбараў», у некалькіх гарадах прайшлі масавыя пратэсты супраць пераабрання Мадура.