УСУ: Чарговы расейскі БПЛА «паляцеў у бок Беларусі» мінулай ноччу

• 8.01.2025, 16:44

Дзяжурная авіяцыя ў паветра не паднімалася.

У перыяд з 19:30 7 студзеня да 8:00 8 студзеня адзін расейскі беспілотны лятальны апарат «паляцеў у бок Беларусі», паведамляюць Паветраныя сілы Узброеных сіл Украіны.

Адзначаецца, што мінулай ноччу РФ атакавала Украіну 64 БПЛА, 41 дрон быў збіты, 22 «лакацыйна страчаныя».

Паводле звестак маніторынгавай групы «Беларускі Гаюн», у паветраную прастору Беларусі ўчора ўварвалася не менш як 17 расейскіх БПЛА, дзяжурная авіяцыя беларускага войска ў паветра не ўзнімалася.