Інтэлект беларусаў стаў вышэйшым

• 9.01.2025, 17:30

Апублікаваны рэйтынг краінаў у IQ.

Міжнародны рэестр IQ абнавіў рэйтынг краінаў на аснове звестак за 2024 год. Даследаванне заснаванае на выніках 1393066 чалавек з 127 дзяржаваў. Удзельнікі праходзілі адзін і той самы тэст.

У 82,45% выпадкаў паказнікі падобныя з мінулым годам (розніца менш за 2 балы).

На першым месцы Кітай з вынікам IQ 107,34. На другой пазіцыі Іран (106,63), на трэцяй – Рэспубліка Карэя (106,57). Закрываюць пяцёрку Японія (106,54) і Сінгапур (105,25).

Беларусь размясцілася на 16-м месцы. У параўнанні з мінулым годам паказнік вырас на 0,8, да 101,58.

Польшча размясцілася на 40-й пазіцыі (99,45), Латвія – на 47-й (99,05), а Літва – на 50-й (98,8). Украіна займае 78-е месца (95,55).

Сярэдні сусветны паказнік IQ складае 100.